Teri Har Baat Mohabbat Mein Gawara Kar Ke – Ghazal By Rahat Indori

Teri Har Baat Mohabbat Mein Gawara Kar Ke

Teri har baat mohabbat main gawara kar ke,
Dil ke bazar main bethe hain khasara kar ke,

Aate jaate hain kayi rang mere chehre par,
Log lete hain maza zikr tumhara kar ke,

Ek chingari nazar ayi thi basti main usse,
Woh alag hatt geya andhi ko ishara kar ke,

Asmaanon ki taraf phenk diya hai main ne,
Chand matti ke charaghon ko sitara kar ke,

Main woh daryaa hoon ke har boond bhanwar hai jis ki,
Tum ne acha hi kiya mujh se kinara kar ke,

Muntazir hoon ke sitaron ki zara ankh lage,
Chaand ko chhat pe bula loon ga ishara kar ke..

About admin

Leave a Reply

Your email address will not be published. Required fields are marked *