Shauk Har Rang Raqeeb Sar O Samaan Nikla Ghazal by Mirza Ghalib

Shauq Har Rang Raqeeb-E-Sar-O-Saamaan Niklaa
Qais Tasweer Ke Parde Mein Bhi Uriyaan Niklaa

Zakhm Ne Daad Na Di, Tangi-E-Dil Ki Yaarab !
Teer Bhi Seena-E-Bismil Se Par-Afshaan Niklaa

Boo-E-Gul, Naala-E-Dil, Dood-E-Charaagh-E-Mehfil
Jo Teri Bazm Se Nikla, So Parishaan Niklaa

Thee Nau-Aamoz-Fana’a Himmat-E-Dushwaar-Pasand
Sakht Mushkil Hai Ki Yah Kaam Bhi Aasaan Nikla

Dil Mein Fir Giryaan Ne Ik Shor Uthaaya ‘Ghalib’
Aah Jo Qatra Na Nikla Tha, So Toofaan Nikla

About admin

Leave a Reply

Your email address will not be published. Required fields are marked *