Qurbaton Mein Bhi Judai Ke Zamane Mange – Ghazal Ahmad Faraz

Qurbaton Mein Bhi Judai Ke Zamane Mange – Ghazal Ahmad Faraz

qurbatoñ meñ bhī judā.ī ke zamāne māñge

dil vo be-mehr ki rone ke bahāne māñge

ham na hote to kisī aur ke charche hote

ḳhilqat-e-shahr to kahne ko fasāne māñge

yahī dil thā ki tarastā thā marāsim ke liye

ab yahī tark-e-ta.alluq ke bahāne māñge

apnā ye haal ki jī haar chuke luT bhī chuke

aur mohabbat vahī andāz purāne māñge

zindagī ham tire dāġhoñ se rahe sharminda

aur tū hai ki sadā ā.īna-ḳhāne māñge

dil kisī haal pe qaane hī nahīñ jān-e-‘farāz’

mil ga.e tum bhī to kyā aur na jaane māñge

 

About admin

Check Also

LIVE, PZ vs KK PSL6 T20 Match 13th Ptv Sports Live 3 March 2021

2021 Pakistan Super League (also known as PSL 6 or for sponsorship reasons HBL PSL 2021) will be the …

Leave a Reply

Your email address will not be published. Required fields are marked *