Khumar-E-Shab Mein Use Main Salam Kar Baitha, by Ghazal by Munir Niazi

Khumar-E-Shab Mein Use Main Salam, by Ghazal by Munir Niazi

khumar-e-shab men use main salam kar baitha

jo kaam karna tha mujh ko vo kaam kar baitha

qaba-e-zard pahan kar vo bazm men aaya

gul-e-hina ko hatheli men thaam kar baitha

chhupa gaya tha mohabbat ka raaz main to magar

vo bhol-pan men sukhan dil ka aam kar baitha

jo so ke uttha to rasta ujaad lagta tha

pahunchna tha mujhe manzil pe shaam kar baitha

thakan safar ki badan shal sa kar gai hai ‘munir’

bura kiya jo safar men qayam kar baitha

 

About admin

Check Also

Watan Ko kuch Nahi KHatra by Habib Jalib

Watan Ko kuch Nahi KHatra by Habib Jalib vatan ko kuchh nahīñ ḳhatra nizām-e-zar hai …

Leave a Reply

Your email address will not be published. Required fields are marked *