Urdupoetryromantic.com Urdu Poetry Sad Shayari Happy Inkaar Se Iqrar Bari Der Se Chup Hain by Ahmad Faraz
Inkaar Na Iqraar Bari Dair Se Chup Hain…
Kiya Baat Hai Sarkar Bari Dair Se Chup Hain…
Asaan Na Kardi Ho Kahin Maut Ne Mushkil…
Rote Hue Beemar Bari Dair Se Chup Hain…
Ab Koi Ishara Hai Na Paighaam Na Aahat…
Baam-O-Dar-O-Deewar Bari Dair Se Chup Hain…
Saaqi Yeh Khamoshi Bhi To Kuch Ghour Talab Hai…
Saaqi Tere Maikhwaar Bari Dair Se Chup Hain…
Yeh Barq Nasheman Pe Giri Thi Ke Qafas Par…
Murghane Giraftaar Bari Dair Se Chup Hain…
Iss Shehar Mein Har Jins Bani Yousaf-E-Kina’an…
Bazaar Ke Bazaar Bari Dair Se Chup Hain…
Phir Naara-E-Mastaana “Faraz” Aao Lagayein…
Ehl-E-Rasan-O-Daar Bari Dair Se Chup Hain…
