Ghazal by Munir Niazi- Ye Kaisa Nasha Hai Main Kis Ajab Khumar

Ye Kaisa Nasha Hai Main Kis Ajab Khumar Mein Hoon

Ye Kaisa Nasha Hai Main Kis Ajab Khumar Mein Hoon
Tu Aa Ke Ja Bhi Chuka Hai Main Intezar Mein Hoon

Makaan Hai Qabar Jisey Log Khud Banatey Hain
Main Apne Ghar Mein Hoon Ya Main Kisi Mazaar Mein Hoon

Dar-E-Faseel Khula Ya Pahaad Sar Se Hatla
Main Ab Giri Hui Galiyon Ke Marg-Zaar Mein Hoon

Bas Itna Hosh Hai Mujh Ko Ke Ajnabi Hain Sab
Ruka Hua Hoon Safar Mein Kisi Dayaar Mein Hoon

Main Hoon Bhi Aur Nahin Bhi Ajeeb Baat Hai Yeh
Ye Kaisa Jabr Hai Main Kis Ke Ikhtiyar Mein Hoon

Munir Dekh Shajar Chaand Aur Deewaren
Hawaa Khizaan Ki Hai Sar Par Shab-E-Bahaar Main Hoon