Chupaye Dil Men Ghamon Ka Jahan Ghazals BY Saghar Siddiqui

chupaye dil men Ghamon ka jahan baiThe hain
tumhari bazm men ham bezabaan baiThe hain

ye aur baat ki manzil pe ham poanch na sake
magar ye kam hai ki raahon ko chhaan baiThe hain

ab aur gardish-e-taqadiir kyaa sataye gi
luTaa ke ishq men naam-o-nishan baiThe hain

vo ek lafz-e-mohabbat hii dil kaa dushman hai
jise shariat-e-ehasaas maan baiThe hain

hai maikadon ki bahaaron se dosti Sagar
barhaye had-e-yakeen-o-guman baiThe hain

About admin

Check Also

faraz

Chalo Woh Ishq Nahi Chahne Ki Aadat Hai | Ahmad faraz Shayari

Chalo woh ishq nahi | Ahmad faraz Poetry Chalo Woh Ishq Nahi Chahne Ki Aadat …

Leave a Reply

Your email address will not be published. Required fields are marked *